دعا الرئيس عبدالفتاح السيسى، رئيس الجمهورية، إلى تقنين أوضاع المصانع غير المرخصة قائلا: “أنا مش عايز منهم حاجة، أوعوا تفتكروا إن البلد هدفها إنها تستجدى ضرائب، إحنا مش عايزين حد مننا يغلط ومش عايزين حد مننا يكون فى مواجهة القانون، ومش بنتصيد الغلط، إحنا بنقول أنت حاولت وإن كان غلط إحنا معاك، بس مش معاك فى إنك تعمل الغلط”.

وأضاف السيسى، على هامش افتتاح عدد من المشروعات التنموية بالصعيد، من محافظة قنا، اليوم السبت: “دى حركة بناء مش حساب مش عشان أعملك قضية، أنا عايزك تشتغل وتكون حاجة حلوة فى مصر، وبالتالى أنا معاك وهوفرلك كتير قوى”.

وتابع: “تعالى أنت عندك فرصة وليك زباينك، تعالى نشتغل سوا وأوفر لك مكان، أنا مش باصص قوى على الإيجار”.

وصرح السفير بسام راضى، المتحدث الرسمى باسم رئاسة الجمهورية، بأن افتتاحات المشروعات القومية اليوم تأتى ضمن فعاليات “أسبوع الصعيد” فى إطار جهود الدولة لتحقيق نهضة تنموية وخدمية متكاملة لأهل الصعيد، وتوفير فرص عمل مباشرة وغير مباشرة، وتتضمن الافتتاحات عددا من المجمعات الصناعية والمحاور والطرق، لا سيما المحاور العرضية على نهر النيل.