مستشفي سوزان مبارك بمحافظة المنيا هي المستشفى الوحيدة التي تعتبر من أكبر المستشفيات الجامعية بالمنيا. ومن المفترض انها تكون رائدة في العلاج وفي التعامل مع المرضي لانة من المفترض أن القائمين على إدارتها هم صفوة المجتمع واساتذة جامعية. ولكن ويبدو بأن هذة المهنة أيضا بدأت في الإنقراض ومن يدير المستشفى هم الموظفين والممرضات واطباء امتياز تحت التدريب.. جائتني هذة الرسالة. وسوف انشرها كما هي..
“.. انا عاوزه احكي ع حاجه حصلت مع اختي…
اختي كانت حامل ف الشهر السابع بس بعد فتره لقيناها بتصدع ب استمرار ورجليها منفخه بايدها وحوالين عينها منفخ برضوا ولما سالنا #الدكتور_محمد_سعيد_زيدان قال دا ضغط حمل وبسبب الضغط دا اتاخرت 20يوم فالحمل يعني رجعت للشهر السادس واول مره اسمع الكلام دا فالحمل وكتب ليها علاج بس للاسف ولا عمل حاجه معاها وفضلت كدا فتره معاه وكل م نساله يقول الضغط عالي وتستمر فالعلااج وبعد شهر متابعه معاه لقيتها تعبت مره واحده وعماله تنزف ولما روحناله بيها بعد م كشف قال ملهاش حل عندي وان #المشيمه انفصلت عن الطفل وروحوا #مستشفى سوزان فالمنيا واي دكتور هنا ف مغاغه مش هيقبلها وفعلا سمعنا اللي قاله وروحنا المستشفى بالرغم م حالتها دي وهو شايفها كدا وان صعب تسافر لمده ساعه فالنزيف بس قال انا معرفش اعملها حاجه…
وطبعا لما وصلنا المستشفى اللي مفهااش اي رحمه مقبلوش يعملولها اي حاجه م غير م حد م عندنا يتبرع بالدم للمستشفى عشان يتعملها تذكره دخول وطبعا لما طلعنا بنك الدم كان فيه ناس بتتبرع ومفيش مكان
واستنوا سرير يفضى ولما طلبت من
هم خلصوا الورق عشان الحق انزل عشان اختى اللي بتنزف تحت وخلوا سلف اختي معاكوا عشان لسه هنزل اخلص باقي الورق طبعا رفضوا ولازم استنى حد يخلص التبرع عشان السرير وبعد فتره نزلت وطبعا الاستاذه اللي عالشباك خلصت ملفها وخلتني امضي ف جلده الملف وجوه الملف نفسه…. اختي فضلت م الساعه 4:30 لحد 6:00 بتنزف والتعب زاد عليها واول م قالوا هتدخل العمليات وفعلا دخلت بس قالوا مش هنعملها حاجه غير لما تتبرعوا ب 3 اكياس دم تاني وشرط يكونوا رجاله طيب نجيبهم منين واختي خلاص بتروح مننا ومحدش معايا غير بابا وسلف اختي وهما اخدوا م سلف اختي ولما اتخانقت وان حرام يحصل كدا واحده قالتلي انزلي المعاونين هناك ونزلت وقولتلهم انا مش هسكت عاللي بيحصل دا وان لو واحده مش معاها حد تتساب كدا عشان الدم وممكن تموت وليه اكياس الدم دي كلها وهي اصلا مش هتحتاجها وان ازاي يسبوها عند باب العمليات كدا واحد طلع معايا وخلص الموضوع وقال كيس دم تاني وخلاص فعلا مستشفى #بتاجر_فالبني_ادمين ولما خرجت م العمليات وداخله م باب الاستقبال #الدكتور مصطفى طلب م الداده الورق بتاعها عشان يقبل يدخلها العنايه وهي اصلا لسه تحت تاثير البنج وقالتله ي دكتور ادخلها الاوضه واجبلك الورق م العمليات وطبعا رفض وقالها سبيها وروحي انتي هاتي الورق وبرضوا قولتله ازاي تتساب عالباب كدا وهي خارجه م العمليات دلوقت هنكون جيبنها منين يعني ودخلت اوضه العنايه اللي كانت جواها قطه عماله تحوم حوالين السرير ومعرفش دخلت ازاي ولما قلت اي دي.. الدكتور قال قطه عشان تسلي المرضى وبيستظرف وجابوا ملفها عالسرير بالصدفه مسكت الملف لقيت ان بعد م مضيت اتكتب اقرار فوق امضتي ان اختي وصلت المستشفى طفلها كان اتوفى وان عندها تسمم حمل واني ع علم باي مضاعفات وممكن يجيلها نزيف شديد و تشنجات ونزيف فالمخ وهتموت وان المستشفى والاطباء غير مسؤله عن ذلك…
. طبعا انا قريت الكلام دا اتصدمت يعني لو اختي لقدر الله اتوفت المستشفى ملهاش دعوه وازاي اصلا يخلوني امضى فالاول قبل الاقرار وم غير م يسالوني والطفل اللي اتوفى دا احنا طالعين م عند الدكتور محمد سعيد زيدان والطفل عايش وطبعا بسبب التبرع اللي محتاجينه اتاخرنا دا غير الطريق لا وكمان عرفنا فالمستشفى ان هي كانت فالتاسع مش فالسادس زي م قال الدكتور محمد سعيد زيدان طيب اللي حصل كل دا مين اللي مسؤل يعني اختى لو حصلها حاجه مكنتش هعرف اخد حق ولا باطل معاهم ولما اتكلمت مع الدكتور قال احنا اللي بنكتب الاقرار دا بس مليش دعوه وفعلا مينفعش يخلوكي تمضي فالاول وبعدين يكتبوا الاقرار وطلعني انا اللي غلطانه عشان مضيت عالشباك طلبوا مني بطاقتي وطلبوا امضي عشان الملف يخلص انا اي يخليني افرض سوء نيه… والله المعامله فالمستشفى م اسوء المعاملات سواء م الممرضات او الدكاتره ولما اطلب منهم حاجه سواء انا او اي حد تشوح الممرضه بايدها وتقول مليش دعوه يعني حضرتك بتاخدي مرتب ع اي اساس ولا الدكاتره اللي بتتكلم م مناخيرها.. هما دكتورين بس اللي كانوا كويسين وممرضه واحده والدادات هناك والامن والباقي والله بيتعاملوا مع الناس وحش جدا وكل م تسال حد ع حاجه محدش بيرد عليك… دا غير طبعا بعد م كنا عاوزين ننزل تحت عشان نعملها اشاعه بينادوا ع اسمها غلط وكل م اسال الدكتور هننزل امتى يقولي لما اخلص مرور عالاوض هبلغلك وشويه والقيه بيلعب فالموبايل وبيهزر مع الدكاتره ولما اقوله اديلك ساعه بتقول بمر يقولي اعمل اي يعني وكان هو هو نفس الدكتور مصطفى اللي كان فوق فالعنايه وبعد عناء نزلنا تحت الاشعه ولقيت الممرضه معديه قدامي ومعاها الملف بتاعها بسالها قالتلي اصلكوا اتاخرتوا وانا بنادي عليها وطبعا كانت بتنادي اسمها غلط واتخانقت بسبب الموضوع دا والدكتور يقول انا مليش دعوه والممرضه تقوله انت قولتلي الاسم غلط وكل واحد بيرمي عالتاني قولتلهم دي مش غلطتنا احنا مش هنستنى لبكره وفعلا دخلت تعمل اشعه وعشان بس يكتبلنا جواب الخروج الدكتور عند معايا وقالهم مش هتطلع غير بمزاجي وطلعوا اختها بره.. هما بيحبوا اللي يتذل هناك ويتحايل عليهم بس انا مقبلتش اللي حصل وطبعا انا مكنتش ع هواهم وم الساعه 10ص لحد 3 ع عشان بس يطلع الجواب وخرجنا الحمد لله….
انا بحكي كل دا عشان تخلوا بالكوا #مستشفى_سوزان_بالمنيا مفهاااش اي اهتمام ولا ف قلوبهم اي رحمه والله احنا اطفلحنا….فعلا اين السائل عن المسؤل وياريت ف فتره الحمل تابعوا مع كذا دكتور لو فيه اي مشكله…. انا اختى قامت بالسلامه بس كان ممكن تروح فيها ولو كنت اتكلمت كانوا هيقولوا انتي مضيتي ع اقرار محدش يمضى م غير م يسال امضي ليه.. عشان قله الضمير اللي فالمستشفيات عشان محدش يهدر حقه بسبب كدا ولو اختي كان حصلها حاجه وفضلت احلف ميت يمين اني مضيت فالاول محدش كان هيصدقني وممكن كمان واحده تكون معندهاش رجاله تتبرع بالدم ورايحه لوحدها وبنتها او اختها تروح فيها بسبب كدا احنا مينفعش نسكت عاللي بيحصل ومحدش يقولي م اختك كويسه انا لما اتكلمت هناك مع المرضى اكتشفت ان الدكاتره بيكتوا اقرارات كتير عشان تنفيهم م اي مسؤليه حرااام حقنا يضيع كدا حرام حد يفقد انسان عزيز عليه بسبب #الاهمال الكاميرات اللي موجوده فالمستشفى اي دورها مش لازم مدير المستشفى ياخد بالوا م اللي بيحصل وطريقه الدكاتره مع المرضى ولا الدكتور اللي شد المريضه م عالسرير عشان تقوم تمشي وهي لسه طالعه م العمليات ومش قادره ليه بيحصل كدا وف مستشفى المفروض تكون رحمه للمرضى مش العكس…
خلوا بالكوا ي جماعه عشان محدش م المسؤلين فاضي لحد…. احنا بيتاجروا بينا والغلبان ملوووش مكان ولما قولت للدكتور مش هسكت عاللي حصل دا قالي اللي عندك اعمليه… ياريت اللي يقرا البوست دا يشيروا عنده يمكن وزير الصحه ياخد باله منا ونكون سبب ف ان حد ياخد باله م نفسه ومحدش يتاذى تاني م الدكاترهٌ…..
#مستشفى_سوزان_بالمنيا_اهمال…..
لا تعليق… المرضي بتموت…. إقرارات بتتمضي على بياض… ازمة ضمير في مهنة الطب على كل المستويات…… .