قال الإعلامي عمرو أديب خلال برنامجه “الحكاية”، مساء الأحد تعليقا على الزيارة المفاجئة للدكتور خالد عبد الغفار وزير الصحة والسكان، اليوم الأحد، لمركز صحة أهالينا بمدينة السلام، ومستشفى السلام التخصصي التابع لأمانة المراكز الطبية المتخصصة، والتي رصد خلالها الوزير العديد من المخالفات إن “مصر البلد الوحيد اللي الوزير بيسأل فيها عن النظافة، تلك الأمور ليست مسؤولية الوزير، أي وزير وظيفته هي وضع السياسات العامة للوزارة، أما متابعة النظافة والخدمات والأمن دي شغلانة موظف بإدارة المستشفى، للأسف مفيش حد في البلد يقدر يرفد موظف حكومي”.

وأضاف مقدم الحكاية: “خلال جولة الوزير ببعض المستشفيات اكتشف أن بعض الموظفين مش موجودين بأماكن عملهم، كله بيجامل كله، وفي الآخر يطالبون بزيادة المرتبات دون أن يكون لهم جهد حقيقي مبذول”.

وتابع أديب : “كل شوية الموظف يشتكي من ضعف المرتبات، طب إنت اشتغلت هنا ليه ما القطاع الخاص مشغل 75% من البلد.. لكن دول بيجروا وراء التعيين الحكومي علشان داخلين عزبة وميغة، أما القطاع الخاص فأي تقصير بيكون فيه رفد أو خصم من الراتب”.

وأكمل الإعلامي عمرو أديب: “الموظف عارف إنه مفيش حد يقدر يرفده من وظيفته.. ده الوزير يمشي بس الموظف لا، ولازم الفكرة دي تتغيير ويحدث انضباط إداري”.