كتبت/ إيناس أبوالفضل

علّق الفنان أحمد زاهر على الحالة الصحية لابنته الكبرى، ملك أحمد زاهر، بعد تعرضها لوعكة مفاجئة استدعت دخولها المستشفى لتلقي العلاج اللازم، حيث دعا لها بالشفاء العاجل من خلال خاصية “الاستوري” على حسابه الرسمي بموقع إنستجرام، قائلاً: “يا رب أنت الشافي يا رب”.

من جانبها، كشفت ملك أحمد زاهر عن تفاصيل حالتها الصحية عبر منشور مطوّل على “استوري” حسابها بإنستجرام، حيث أوضحت أنها تمر بظرف صحي غير مفهوم منذ ثلاثة أيام، قائلة:
“أنا بقالي 3 أيام تعبانة شوية، وعندي حاجة لحد دلوقتي مش فاهمين سببها، وجت فجأة.. في نص ساعة كنت زي الفل، ومن ساعتها مش عارفة أنزل أو حد يشوفني باللي أنا فيه، ونفسيتي وحشة أوي”.

وأشارت ملك إلى أنها عادة ما تشارك لحظات الفرح والطاقة الإيجابية فقط عبر حساباتها، لكن هذه المرة قررت التحدث عن الجانب الصعب من حياتها، مضيفة:
“أنا دايمًا بحب أشارك الحلو بس، وغالبًا ده غلط، فقررت أشارك الوحش كمان.. الحمد لله على كل حال، وإن شاء الله هخف وكله هيكون تمام”.

واختتمت حديثها برسالة مؤثرة لمتابعيها، قالت فيها:
“أنا مش بكتب الكلام ده علشان حد يقلق، الحمد لله ما فيش حاجة خطيرة، بس نفسيتي وحشة، وكل اللي طالبة منكم إنكم ما تحكموش على حياة حد من السوشيال ميديا، لأنها بتعكس يمكن 20٪ بس من الحقيقة. ادعولي أرجع كويسة بسرعة، وشكرًا على حبكم”.