مأساة بكل المقاس
حرب نفسيه وحرب داخلية ومساومة على جيل كامل بالإنحراف ما يحدث بالساحل .حقا سفهه
مايحدث فى الساحل خطه ممنهجه لتدمير الشباب بشكل جديد ..وتدمير المستقبل والقيم والأخلاق ..فقد أصبح الساحل الشمالى من مجرد مصيف ومكان ساحر وخلاب لمجموعة شركات للتصنيفات الانسانية ….
بداية من شرير وطيب وغنى وفقير مما يصل بينا عقده نفسيه وتشوهات إجتماعية … والأهم هنا ليس القدرة على الصرف ومجاراة ناس محدثة نعمة المشكلة تكمن هنا فى طبيعة الصرف وبالشكل المستفز دة أصبح صرف الفلوس ليس للمتعة بل لتثبت مستواك المادى أو تعلى على الأخرين بالمصاريف لكى تظهر بأنك أفضل منة وهذا يصنف عبث وجنون مطلق …

ماذا يعنى أن تدخل مكان تدفع فية باركينج 2000 جنيه ولاتستطيع ان تعترض او حتى تتذمر حتى لاتصنف انك من طبقه متدنية او فقيرة ! كيف تعترض و تتكلم فى ركنة ب2000 جنيه ؟
هل انت مجنون ؟ ولمن تريد أن تثبت انك من طبقه راقيه ..وهل الطبقات الراقيه تصنف بمدى السفهه فى المصاريف ؟
انت كده مش بتثبت انك ابن ناس ولا مستواك …انت بتثبت نقصك وسفهك ولو يوجد أحد فى الأسرة عاقل كان المفروض يرفع قضية حجر على هؤلاء الشباب او الآباء الذين يتمتعون بالنقص وليس لديهم معانى للشبع والرقى والتربية…حقا انت ناقص الاهليه بكل المقاييس .

ماذا يعنى ان تدخل أى مكان فى الساحل تجد كل من يراك بداية من فرد الأمن لآخر واحد على البحر ينظر لك ويبدأ فى اختبار حيوانى عبيط لدرجتك الإجتماعيه ومدى كونك ابن ناس ولا من أى درجه تصنف فى المجتمع .هل انت من الطبقه الراقية ام من الطبقه الفقيرة ؟ وهل تستحق ان تكون موجود وسط هذة الكوكبه ام لا؟ كيف يتم تقيم الشخص من نوع الماركة فى اللبس ؟بدايه من نوع الساعة لماركة المايو .لابس  يا ترى من اللى  بيتعدى مجرد ألوفات بسيطه وهل.الساعه اللى انت لابسها ابل ولا صينى يافقير!! .عربيتك من أى ماركة ..قمة النقص والاحساس بالدونية

•المشكله الأكبر فى الشباب اللى فاكره أن اللى بتشوفه ده هو الثابت والصح وان هو اللى لازم يسافر برة ويجيب فلوس علشان يعيش

للأسف الطبقات تاهت وسط بعضها بالتقيم والتقليد المتوسط نفسه يبقى غنى والغنى نفسه يبقى أغنى والأغنى بيعلى على اللى تحتيه وزعلان من اللى فوقيه ..تجد البنات من أسرة طبيعيه او متوسطة الا انهم يسعو للوصل إلى هذة الطبقة بل ويسعو لكى يخالطوهم ويعيشو عيشتهم وبيبدأو بالتنازل فى اللبس والشرب والاكل حتى الكلام والرقص وشرب المخدرات لمجرد التقليد الأعمى وهذة الطبقه لن ترى الأنفسها بل لاترى اصلا …
رفقا بالشباب هذة ليس تربية ..واذا كان حد عندة نقص فهذا النقص عند الأمهات والأبناء اللذين عاشو حياة قاسيه وتخيلو بأن الترفيهه والسفهه. سوف يعوضو أبنائهم العيشه التى كانو يحلمو بها ويتمنون أن يعيشوها…هذا ليس تعويض …هذة أقسام من عند الله …النصيب والرزق مكتوب من عند الله ليس فقط توزيع النصيب ..الله يعلم بكل شىء لذا كان يوزع الرزق بالتساوي للانسان …لن يظلم أحد..بل تقسيم الرزق كما يشاء …ارحمو أولادكم..ارحمو الشباب ..لابد من وقفه مع النفس ..الخسارة فادحه فى جيل كامل …

•ارحموا نفسكوا يا جماعه وتأقلموا مع الحقيقه الكونيه و
اتقوا الله فى أولادكم ونفسكم وفلوسكم …

واخيرا كلماتى هذة ليس دعوه للحرمان .او تحرم نفسك من حاجه او تعيش او تتمتع وتمتعو أولادكم بل بالعكس حوش وسافر يمين وشمال وانبسط فى احلى اماكن بس بدون عقد نفسيه وبدون نظرات طبقيه منك او ليك للناس اللى حواليك اترك اللى معاه فلوس يعمل اللى هو شايفه بطريقته بس من غير ما يصنفك أو يقلل منك واعمل كمان اللى انت عاوزه من غير ما تنظر لحد اقل منك بطريقه تزعله وتقلل منه ولا تنظر للى فوقك أنه حلم نفسك توصله …
انت اصلا مش محتاج تثبت لحد حاجه عنك …لأن اللى بيميزك عنه انك انت شخص ربنا أعطاك ميزة ربما لاتكون عندة
سافروا وانبسطوا ولكن على قدر امكانياتكم..وبدون تصنيف او تقليد سافروا لأماكن تستطيعو أن تجددو فيها و انكم مبسوطين .سافروا فى أماكن ناسها متربيه ومعندهمش عقد اجتماعيه ونفسيه أياان كانت طبقتهم …وساعتها هتلاقى نفسك وسطهم مهما كنت ومهما كانوا .
حافظو على ثروتكم فى شبابكم واولادكم ..انقذو الجيل ..انقذو أنفسكم..