كنت أتصفح أحدى الجروبات أستوقفنى جروب أسمه (قلوب)ووجدت كلمات منشوره من الأستاذ محمد فهمى عضو في الجروب  ,,ووقفت أمامها كثيرا وتم التواصل معه للأستاذان أن أخذ هذه الكلمات,وأسئله من أين أتى بهذه الأرقام ولكن قال انها “منقوله”.فبدأت أبحث وأسأل  وبالفعل وصلت لصحه هذه المعلومات من المجلس القومى للمرأه ومن محكمه ألاسره ومن بعض ألاطباء النفسين . ان نسبه الطلاق العلنى فى مصر خلال الفترة الماضيه هو 180000حاله طلاق فى السنه. وهذا هو المعلن .ولكن يوجد نوع أخر من الطلاق…وهو الطلاق الصامت وأن هذا الطلاق
… داخل البيوت أضعاف  هذة النسبه والطلاق الصامت هو انك تبقى كاره.ورافض.الحياه مع الطرف ألاخر  لكن مكمل علشان اسباب ثانيه خالص منها مثلا وجود الأولاد والإحساس بتأنيب الضمير والذنب ان حياتهم هتتشتت أو عدم وجود مورد مالى للزوجه غير الزوج أو مثلا الخوف من الوحدة ..والأكيد نظره المجتمع للرجل المطلق وللمرأة المطلقه.

….معنى كده اننا بنبقى عايشين فى بيت واحد …بس كل واحد فينا فى دنيا ثانيه…يعنى عيشه والسلام…يعنى بنحكم على نفسنا بالموت واحنا على قيد الحياه…ودفنا قلبنا ومشاعرنا…يعنى عايشين بجسد من غير روح
.الطلاق الصامت اننا جعلنا علاقتنا كلها محورها البيت والأولاد.وانفصلنا عن بعض جسديا” وعاطفيا”
. الطلاق الصامت ده اصعب مليون مره من الطلاق العلنى….لانك بتعذب نفسك..وتعذب الطرف الثانى كل لحظه وبتعذب الأولاد أيضا
. كل ثانيه بنقول لبعض ..سواء بالكلام او بالفعل او بالنظرات أنت ليس لك اى اهميه فى حياتى!!!!!!!  أنت مجرد بنك بيصرف …أنتى مجرد مربيه للأولاد !!!!!
……..,والسؤال هنا لماذا تصل العلاقه لهذاالنوع من الطلاق؟؟؟؟؟؟؟؟؟؟؟؟؟؟؟؟؟؟؟
الاختيار الغلط لشريك الحياه من البدايه وعدم القدره من الاول على تفسير مشاعرنا صح ..يعنى اى احساس بنفسره على انه حب وبعد كده بنكتشف اننا لم نكن  بنحب من الاساس يمكن الفتور والملل فى العلاقه لأننا مجتمع ميعرفش ثقافه التجديد واى علاقه بتستمر بنفس ألطريقه بتتخنق منها وبتزهق… يمكن مفيش اى معلومات تعلمنا ازاى الست والراجل يفهموا بعض ويتفاهموا مع بعض…وازاى يتعاملوا مع بعض…وازاى يعرفوا يحلوا مشاكلهم… والاهم بقه و الكارثه الأكبر..هى التربيه….اتربينا على عادات وتقاليد وموروثات دمرت حياتنا وقضت عليها
فكثير مننا عنده مشاكل نفسيه وعقد … من الطفوله…من فكره الجواز نفسها ناتجه عن علاقه أمه وابوه…اخته وجوزها…واغلب العلاقات اللى حوالينا و عدم اعتراف جزء كبير من الستات وجزء اكبر من الرجاله انه السبب الأساسى فى فشل العلاقه…وطبعا طول ما احنا ما بنعترفش بغلطنا ورامين الحمل كله على الطرف الثانى ومستنينه يتغير ….هنعيش ونموت زى ما احنا ربما مفيش صبر…يعنى الكلمه الشهيرة ( انا حاولت مليون مره وزهقت)
أحتمال مفيش اى تركيز خالص على كورسات التاهيل للزواج وكورسات تحسين العلاقه الزوجيه …وبنعتبرها تفاهه وكلام فارغ ورغى على الفاضى ( على فكره فى فرق كبير بين اللى بيحضر علشان يتعلم ويطبق وبين اللى بيحضر علشان يسمع وينتقد ويكابر ويقول انا بعمل كل ده ومفيش فايده ).على فكره ربنا خلق الجواز علشان نعيش فى حب وسعاده وراحه بال.مش علشان نعيش حياه تعيسه وحزينه
. احنا اللى بنعمل فى نفسنا كده..الجواز يستاهل انك تتعب وتعمل مجهود علشان تحافظ عليه.الجواز محتاج أن نرجع للدين ونتذكر قوله تعالى “وجعلنا بينكم موده ورحمه” أن نتذكر كلمه “الموده  “وما تشملها من معانى ..أن نتذكر  كلمه “الرحمه ” وما تعنيها هذه الكلمه  ….لابد أن نتخلص من الصمت …لابد أن نتحاور …لابد أن نعترض على ألاخطاء .بل ونعترف اننا نخطأ .نحن ليس بأنبياء .لو كل زوج وزوجه أعترفو انهم بيخطأو..لتخلصنا نهائيا من الطلاق .ولايوجد طلاق عادى ………………..ولا طلاق صامت .