الرئيس السيسي: يارب 2023 تكون سنة خير وسلام ومحبة علينا كلنا

وصل الرئيس عبدالفتاح السيسي، مساء اليوم الجمعة، إلى كاتدرائية ميلاد المسيح، للتهنئة بعيد الميلاد المجيد.

وتوجه الرئيس السيسي بالتهنئة للأخوة الأقباط، قائلًا: «كل سنة وأنتم طيبين جميعا وعيد سعيد علينا وعليكم جميعا، يارب 2023 تكون سنة خير وسلام وأمن ومحبة علينا كلنا، مش بس في مصر، في العالم كله».

واستطرد: «أتمنى السنة دي تكون خير وسلام وأمن وأمان ومحبة على الدنيا كلها مش بس في مصر».

وقال عبد الفتاح السيسي، مهنئًا الأقباط بعيد الميلاد المجيد:”كل سنة وأنتم طيبين ويارب السنة دي تكون سنة خير وسلام وسعادة وأمن وأمان علينا كلنا مش بس في مصر ولكن في العالم كله”.

 

السيسي يوجه التحية للبابا تواضروس

وتابع:”النهارده مناسبة جميلة وسعيدة وكان المفروض اقول كل سنة وانتو طيبين وأعطي الفرصة لقداسة البابا تواضروس، أوجه كل التقدير والاحترام والاعتزاز للبابا تواضروس وليكم كلكم”.

رسالة السيسي للأقباط في عيد الميلاد المجيد
وأضاف:”عايز اقولكم انتوا متعرفوش مدى المحبة والتقدير والاعتزاز اللى أنا اقدر به قداسة البابا تواضروس الثاني، وفي كل مرة أسمع حديث لقداسته او حتى الكتاب اللى صدر عنه قداسته اجد فيه حكمة وبلاغة عظيمة ومش هنسي ابدا حديثه لما قال الأديان تتوافق ومش لازم الأديان تتطابق، وبقول كده لعشان تفضل محبتنا لبعض بدون تمييز ودي لازم تبقى دي متاصلة في نفوسنا، إحنا محتاجين دايما في كل مناسبة نأكد ان احنا واحد مفيش أي شكل من اشكال التفرقة ما بينا لإن لو فيه تفرقة مننجحش ابدا والكلام ده مش بس للأقباط ولكن لينا كلنا كل الشعب واحنا بنحبكم، كل سنة وانتوا طيبين وعيد سعيد عليكم”.

 

وترأس البابا تواضروس الثاني، بابا الإسكندرية بطريرك الكرازة المرقسية، صلاة قداس عيد الميلاد المجيد، مساء اليوم الجمعة، وذلك بكاتدرائية ميلاد المسيح بالعاصمة الإدارية الجديدة، بمشاركة الآباء الأساقفة والكهنة والرهبان.

 

اترك رد

لن يتم نشر عنوان بريدك الإلكتروني.